Kahalagahan ng
Teknikal-Bokasyonal na Pagsulat
Bago talakayin ng
aming guro ang aming aralin tungkol sa teknikal-bokasyonal na sulatin ay wala
talaga akong ideya kung ano ang mayroon o nilalaman nito. Hindi ko rin alam na
may ganitong uri pala ng pag-aaral ukol sa pagsulat kaya naman nang matapos
maitalakay sa amin ang unang aralin ay marami akong natutunan. Nalaman ko ang mga
kahulugan, katangian, gamit, layunin, at anyo ng isang teknikal-bokasyonal na
sulatin.
Magkaiba ang
tenikal-bokasyonal na sulatin sa teknikal-bokasyonal. Ang teknikal- bokasyonal
ay ang mga iba’t-ibang larangang maaari mong piliin ayon sa iyong nagugustuhang
mga gawain, at dito mas malilinang ang iyong mga kaalaman at kakayahan, sa CSS(Computer
System Servicing) man, sa SMAW(Shielded Metal Arc Welding), sa Culinary at marami
pang iba. Samantalang ang teknikal-bokasyonal sulatin ay ito ang pagggawa ng
pormal na mga sulatin na maari mong gamitin kapag ikay nagtrabaho o sa
pagnenegosyo.
Saan nga ba makikita
ang mga teknikal-bokasyonal na sulatin? Pagkatapos ng aming talakayan ukol sa
teknikal bokasyonal na sulatin, ay nalaman ko rin na ang mga nakikita ko o ang
mga ginagamit ko ay isa ring halimbawa ng teknikal bokasyonal na sulatin.
Halimbawa ng mga ito ay Manwal, liham pangnegosyo, flyers, leaflets, paggawa ng
dokumentasyon, paunawa, babala, anunsyo, menu, at marami pang iba.
Bakit nga ba mahalaga
na pag aralan ang pagsulat sa Filipino ng teknikal-bokasyonal na sulatin? Para
sa akin at base sa aming pinagaralan mahalagang pag-aralan ang teknikal-bokasyonal
na sulatin, Upang magkaroon tayo ng kaalaman ukol dito at upang maibahagi natin
sa ibang tao ang mga nilalaman at kaibahan nito sa ibang sulatin. At dapat
matuto din tayo na magsulat sa teknikal-bokasyonal na paraan upang makagawa
tayo ng maayos, tumpak, at tiyak na sarili nating mga sulatin tulad ng mga manwal,
liham, menu, anunsyo at marami pang iba. Ito ay maari natin ito gamitin sa
pagtayo ng ating mga sariling negosyo o maging sa trabaho. Ang mga uri ng
teknikal na sulatin ay maaring magamit sa mga pang negosyo ngunit ang iba sa
mga ito ay maari rin magamit sa trabaho katulad ng mga naratibong ulat, at
liham pang negosyo.
Ang mga simpleng
batayang simulain upang maging mahusay na manunulat para sa akin ay: Una, dapat
ay iniisip mo ang mga magiging mga mambabasa mo sa gagawing mong sulatin.
Pangalawa, dapat alamin mo ang mga layunin ng bawat arikulo o ulat na gagawin
mo. Hindi ka maaring maging magaling na manunulat kung dimo alam ang layunin mo
sa paggawa ng bawat sulatin na iyong gagawin sa kahit anong bagay pa man ito.
At pangatlo, dapat alam mo ang paksang aaralin mo. Hindi ka maaring gumawa ng
sulatin ng wala kang alam tungkol sa iyong gagawin na sulatin dahil kung wala
kang alam at gagawa ka ng teknikal na sulatin ay anong maisusulat o mailalagay
mo rito. Dapat ay alam mo at may kaalaaman ka sa iyong gagawin na sulatin upang
mayroon kang mailagay na tama, maayos at tiyak na mga impormasyon at nang hindi
ka mag paligoy ligoy sa iyong mga sasabihin.
